كۆمه‌ڵێك له‌كرێكارانی په‌یمانی شاره‌داریی ئه‌هواز، ڕۆژی پێنجشه‌ممه ١٣ی سه‌رماوه‌ز، له ناڕه‌زایه‌تیی به نه‌بوونی ئه‌منییه‌تی كار و گوزه‌رانیان، له به‌رامبه‌ر شوڕای شاری ئه‌هواز ده‌ستیاندایه كۆبوونه‌وه.
به پێی ئه‌م ڕاپۆرته، كرێكارانی ناڕازیی ماوه‌یه‌ك له‌مه‌وبه‌ر به به‌ڕێوه‌بردنی چه‌ندین كۆبوونه‌وه له به‌رامبه‌ر ناوه‌نده جۆراوجۆره‌كانی ده‌وڵه‌تی، خوازیاری په‌رداختی بڕی ٥ تا ٦ مانگ حه‌قده‌ست و مه‌زایای دواخراویان بوون. شایانی باسه، له ئه‌نجامی ئه‌م كۆبوونه‌وانه، شاره‌درایی ئه‌هواز بڕی دوو مانگ له حه‌قده‌سته دواخراوه‌كانیانی په‌رداخت كردبوو و به‌ڵێنی دابوو كه له ماوه‌ی چه‌ند ڕۆژی داهاتوودا، سه‌رجه‌م حقووقه‌كانیان په‌رداخت بكرێت. به‌ڵام كرێكارانی ناڕازیی ده‌ڵێن: سه‌ره‌ڕای تێپه‌ڕبوونی چه‌ند ڕۆژ به‌سه‌ر به‌ڵێنی شاره‌دار، هه‌تا ئێستا هیچ هه‌نگاوێك به ئاڕاسته‌ی په‌رداخت كردنی حه‌قده‌سته دواخراوه‌كانیان هه‌ڵنه‌گیراوه.