سه‌رله به‌یانی ڕۆژی یه‌كشه‌ممه ٩ی سه‌رماوه‌ز، كرێكارانی به‌نداوی شاری بیجاڕ له ئۆستانی گیلان، بۆ دووهه‌مین ڕۆژی به‌رده‌وام له ناڕه‌زایه‌تیی به درێژه‌ی بیلاته‌كلیفی كاری و گوزه‌رانیان، ده‌ستیاندایه كۆبوونه‌وه.
به پێی ئه‌م ڕاپۆرته، نزیكه‌ی ٤٢ كرێكاری شاغڵ له پڕۆژه‌ی به‌نداوی شاری بیجاڕ ١٤ مانگه حه‌قده‌ست و مه‌زایاكانیان په‌رداخت نه‌كراوه. كرێكارانی ناڕازیی ده‌ڵێن: هه‌تا ئێستا سه‌نه‌وات، جێژنانه و پاداشی كۆتایی ساڵی ٩٨یان پێنه‌دراوه و په‌یمانكاری پڕۆژه‌كه بڕی ١٤ مانگ له‌حه‌قده‌ست و مه‌زیاكانیشیانی په‌رداخت نه‌كردوون و هه‌روه‌ها حه‌قی بیمه‌كانیانی به سازمانی ته‌ئمینی ئیجتماعی نه‌داوه و ده‌فته‌رچه بیمه‌كانیان له‌گه‌ڵ كێشه‌ی تازه‌كردنه‌وه به‌ره‌وڕوو بووه‌ته‌وه. ده‌شڵێن: شیركه‌تی په‌یمانكاری ئه‌م پڕۆژه‌یه سه‌ره‌ڕای دواخرانی حه‌قده‌ست و مه‌زایاكانیان، له كۆتایی مانگی گه‌ڵارێزانی ئه‌مساڵ پێنج كه‌س له هاوكاره‌كانیانی به بیانووی پێویست نه‌بوون پێیان به‌دوای ته‌واوبوونی قه‌رارداده‌كانیان له‌سه‌ر كار ده‌ركردووه.