ڕاپۆرته‌كان باس له‌وه ده‌كه‌ن كه هاووڵاتییەکی خەڵکی دیواندەرە سەر بە ئۆستانی كوردستان کە سەرەتای مانگی گه‌ڵارێزانی ئه‌مساڵ لە لایەن هێزە ئەمنییەکانەوە دەستبەسەر کرابوو، به قه‌راری وه‌سیقه و به شێوه‌ی كاتی له زیندان ئازاد کرا.
بەپێی ئه‌م ڕاپۆرته، “ئەیووب ئاقاڕەزایی”، دانیشتووی شاری دیواندەرە كه به تۆمه‌تی “هاوكاری له‌گه‌ڵ یه‌كێك له حیزبه نه‌یاره‌كانی ڕژیم” ده‌ستبه‌سه‌ر كرابوو، دوای دوو حه‌فته بەندکران بە دانانی وه‌سیقه و بە شێوەی کاتی هەتا ڕۆژی دانیشتنی دادگا، ئازاد کرا. جێگه‌ی وه‌بیرهێنانه‌وه‌یه، “ئەیووب ئاقاڕەزایی” چالاکی ژینگەپارێز و ئه‌ندامی گرووپی شاخەوانی دیواندەرە، ڕۆژی چوارشەممە ٧ی گه‌ڵارێزان لە لایەن هێزەکانی ئیدارەی ئیتلاعاتی ئەو شارە دەستبەسەر کرابوو.