به پێی هه‌واڵی گه‌یشتوو، هێزه‌كانی ڕژیم له كرماشان له ترسی سه‌رهه‌ڵدانی ناڕه‌زایه‌تیی جه‌ماوه‌ری و په‌ره‌سه‌ندنی ئه‌م ناڕه‌زایه‌تییانه هه‌روه‌ك ناڕه‌زایه‌تییه‌كانی مانگی خه‌زه‌ڵوه‌ری پاره‌كه، به شێوه‌یه‌كی به‌ربڵاو له ئاستی شار و گه‌ڕه‌كه‌كانی ئه‌مشاره بڵاوه‌یان پێكراوه و به‌رده‌وام به ماشین و موتۆر سه‌رقاڵی گه‌شت لێدانن.
هه‌واڵی گه‌یشتوو باس له‌وه ده‌كات كه هێزه‌كانی ڕژیم له‌وانه یه‌گان ویژه و دژه شۆرش به‌رده‌وام له گه‌ڕه‌كه‌كانی “مه‌یدانی فێرده‌وسی، كه‌سرایی، بڵواری تاقبوستان، گه‌ره‌كی فه‌رهه‌نگیان فازی ٢، گه‌ڕه‌كی مه‌سكه‌ن، مه‌یدانی ئازادی، گه‌ڕه‌كی گولستان، شه‌شوم به‌همه‌ن و نه‌وبه‌هار”، سه‌رقاڵی گه‌شت لێدانن. شایانی باسه، ئه‌م هه‌وڵه‌ی هێزه‌كانی ڕژیم له‌گه‌ڵ سه‌رنج نه‌دان و كه‌مته‌رخه‌می خه‌ڵك به‌ره‌وڕوو بووه‌ته‌وه.