كرێكاران و كارمه‌ندانی مه‌یدانی نه‌وتی ئازادگانی شۆمالی، ڕۆژی یه‌كشه‌ممه ٢٥ی گه‌ڵارێزان، له ناڕه‌زایه‌تیی به ئاستی له‌خواره‌وه‌ی حه‌قده‌سته‌كانیان و هه‌روه‌ها به‌كرده‌وه ده‌رنه‌هێنانی گه‌ڵاڵه‌ی ڕیزبه‌ندی كاره سه‌خت و زیانباره‌كان ده‌ستیاندایه كۆبوونه‌وه.
ڕاپۆرته‌كان باس له‌وه ده‌كه‌ن كه كرێكاران و كارمه‌ندانی به‌شه‌كانی هه‌ڵێنجانی نه‌وت له پاڵاوگه، چاڵه نه‌وتییه‌كان، نوێژنكردنه‌وه، ئاگركوژێنه‌وه، خزمه‌تگوزاری و فریاكه‌وتن به به‌ڕێوه‌بردنی ئه‌م كۆبوونه‌وه‌یه، سه‌ره‌ڕای ده‌ربڕینی ناڕه‌زایه‌تی به له‌خواره‌وه‌بوونی ڕێژه حه‌قده‌سته‌كانیان و به‌كرده‌وه ده‌رنه‌هێنانی گه‌ڵاڵه‌ی ڕیزبه‌ندی كاره سه‌خت و زیانباره‌كان، له‌ئاست دابین نه‌كردنی خزمه‌تگوزاری ده‌رمانی به‌دوای چه‌ندین مانگ واده و به‌ڵێنی كاربه‌ده‌ستان، ناڕه‌زایه‌تییان ده‌ربڕیوه.