ڕۆژی شه‌ممه ٢٤ی گه‌ڵارێزان، به هه‌زاران كه‌س له نه‌یارانی ده‌وڵه‌تی گورجستان له شاری “تفلیس” پێته‌ختی ئه‌م وڵاته، هاتنه سه‌ر شه‌قامه‌كان و خوازیاری به‌ڕێوه‌چوونی سه‌رله‌نوێی خۆپیشاندانی په‌رله‌مانی بوون.
به پێی ڕاپۆرته‌كان، به ده‌یان هه‌زار كه‌س له‌وانه ئه‌ندامان و هه‌ڵسووڕاوانی پارت و ڕێكخراوه سیاسییه‌كانی نه‌یاری ده‌وڵه‌ت و نوێنه‌رانی كۆمه‌ڵگای مه‌ده‌نی له شاره جۆراوجۆره‌كان له‌م خۆپیشاندانه‌دا به‌شداریان كردووه. ناڕازییان ئاماژه‌یان به‌وه كردووه كه له هه‌ڵبژاردنه‌كانی په‌رله‌مانی له ڕێكه‌وتی ٣١ی ئۆكتۆبری ئه‌م وڵاته، له به‌رژه‌وه‌ندی پارتی ده‌سه‌ڵاتداری “ئاواته‌كانی گورجستان” ته‌زویر ئه‌نجام دراوه و خوازیاری ده‌ست له‌كار كێشانه‌وه‌ی سه‌رۆكی كۆمیسیۆنی هه‌ڵبژاردنه‌كان و به‌ڕێوه‌چوونی سه‌رله‌نوێی هه‌ڵبژاردنی په‌رله‌مانی و ئازادكرانی سه‌رجه‌م به‌ندكراوانی سیاسی له‌م وڵاته بوون. پۆلیسی گورجستان بۆ بڵاوه‌پێكردن به خۆپیشانده‌ران، ماشێنی ئاوپاشی به‌كارهێناوه. شایانی باسه، له ئه‌نجامی ئه‌م خۆپیشاندانه ٢٧ كه‌س برینداربوون و ١٩ كه‌سیش ده‌ستبه‌سه‌ر كراون.