به پێی ڕاپۆرتی ڕێكخراوی مافی مرۆڤی هەنگاو: بەندکراوێکی لاو لە زیندانی ناوەندیی ورمێ بە هۆی درەنگ گواستنەوە بۆ ناوەندی چارەسەریی پزیشکی گیانی لە دەستدا.
بە پێی ئه‌م ڕاپۆرته، رۆژی چوارشەممە ٢١ی گه‌ڵارێزان، بەندکراوێکی لاو لە زیندانی ناوەندیی ورمێ بە ناوی ” سادق مەلەکی” بە هۆی ئەوەیکە بەرپرسانی زیندان درەنگ گواستوویانەتەوە بۆ ناوەندی چارەسەری پزیشکی، لە کاتی گواستنەوە گیانی لە دەستداوه. شایانی باسه، “سادق مەلەکی” رۆژی شەممە ١٧ی گه‌ڵارێزان لە کاتی پشکنینی بەندی لاوەکان لە لایەن هێزی تایبەتی بەندیخانەکەوە و بە هۆی ترس لەوەیکە دۆسیەی بۆ ساز بکەن، بڕێکی مادەی هۆشبەری لە جۆری شیشەی قوورت دابوو. ئه‌مه له‌كاتێكدایه كه لە رۆژانی رابردوودا سەرەڕای ناجێگیر بوونی باری تەندرووستیی سادق، بەرپرسانی زیندان مۆڵەتیان نەداوە ناوبراو بە مەبەستی شۆردنی گەدەی بگوازرێتەوە بۆ ناوەندە دەرمانییەانی دەرەوەی زیندان و ئەوەش بۆه‌تە هۆی مەرگی ناوبراو.