ڕاپۆرته‌كان باس له‌وه ده‌كه‌ن كه لە ماوەی حەفتەی ڕابردوودا، لقی ٢٨ی دەزگای باڵای داد بە فەرمی داواکاری پێداچوونەوەی داکۆکیکارانی “سەبا کورد ئەفشاری” چالاکی مەدەنی لە زیندانی ئێوین بە حوکمی ٢٤ساڵ زیندانی رەت کردووه‌ته‌وه و حوکمی ٢٤ ساڵ زیندانی به‌سه‌ر ناوبراودا سه‌پاندووه.
به پێی ئه‌م ڕاپۆرته، “سه‌با كورد ئه‌فشاری” جۆزەردانی ئەمساڵ حوکمی ١٥ساڵ زیندانی بە تاوانی “پەڕەپێدان بە بێ سەروبەرەیی”، کە پێشتر ئەم تاوانەی لە سەر لاچووبوو، بۆی پەسەند کرا و ئێستایش ماوەی ٩ساڵ زیندانی تەعزیری لە زیندانی ئێوین تێپەڕ دەکات. ناوبراو هەروەها یەکێک لە چالاکانی “چوارشەممەهای سپی” بوو کە جۆزەردانی ٩٨ لە تاران دەستبەسەر و دوای ماوەییەک لە لایه‌ن لقی ٢٦ی دادگای ڕژیم له شاری تاران بە تاوانی “پەرەپێدان بە گەندەڵی و خراپەکاری” حوکمی ١٥ساڵ زیندانی بەسەردا سەپا و هەروەها بە تاوانی “کۆبوونەوە دژی ئەمنییەتی میللی” ٧ساڵ و نیم زیندان و بە تاوانی “پڕۆپاگەندا له‌دژی نیزام” یه‌كساڵ و نیو زیندانی بەسەردا سەپا.