ژماره‌یه‌ك له كرێكاران و دانیشتووانی بیدخون له شارستانی عه‌سه‌لویه، ڕۆژی شه‌ممه ١٧ی گه‌ڵارێزان، بۆ چه‌نده‌مین جار له ناڕه‌زایه‌تیی به چوونه‌سه‌ره‌وه‌ی ڕێژه‌ی پیسبوونی ژینگه‌ی ئه‌م ناوچه‌یه و كه‌مته‌رخه‌می به‌رپرسان ده‌ستیاندایه كۆبوونه‌وه.
به‌وته‌ی ناڕازییان، له ماوه‌ی ڕۆژانی ڕابردوودا دانیشتووانی شاری بیدخون شایه‌تی پیسبوونی هه‌وای شار تا ڕاده‌یه‌ك بوون كه ته‌نانه‌ت كێشه‌ی جیدی هه‌ناسه‌دانی بۆ خه‌ڵكی پێكهێنابوو. ڕاشیانگه‌یاندووه: به‌دوای په‌یگیری ئه‌م ته‌وه‌ره، ڕوون بووه‌وه كه په‌یمانكاری فه‌زای سه‌وزی ئه‌م ناوچه‌یه، بۆ چه‌نده‌مین جار زبڵ و پاشماوه‌كانی ئاگر تێبه‌رداوه و ئه‌مه‌ش بووه‌ته هۆی پیسبوونی هه‌وای ئه‌مشاره.