سه‌رله به‌یانی ڕۆژی شه‌ممه ١٧ی گه‌ڵارێزان، به‌هۆی چه‌ندین ته‌قینه‌وه له ناوچه‌ی “مه‌كروریانی چواره‌م” له شاری كابۆل، سێ كه‌س گیانیان له‌ده‌ستداوه و ژماره‌یه‌كیش برینداربوون.
به‌پێی ئه‌م ڕاپۆرته، پۆلیسی كابۆل ڕایگه‌یاندووه كه ئه‌م ته‌قینه‌وه‌یه له ناحییه‌ی نۆیه‌می ئه‌مشاره ڕوویداوه و له ئه‌نجامیدا سێ كه‌سی مه‌ده‌نی گیانیان له‌ده‌ستداوه. به‌وته‌ی شایه‌ت حاڵان، ئه‌م ڕووداوه به‌هۆی ته‌قینه‌وه‌ی ئۆتۆمبێلێكی سه‌واری كه له جاده‌ی فه‌رعییه‌وه ده‌هاته‌وه به‌ره‌و جاده‌ی سه‌ره‌كی ڕوویداوه. جێگه‌ی ئاماژه‌یه، شاری كابۆل له ماوه‌ی چه‌ند حه‌فته‌ی ڕابردوودا شایه‌تی چه‌ندین ته‌قینه‌وه بووه، له‌وانه به‌هۆی هێرش بۆ سه‌ر زانكۆی كابۆل ٢٢ كه‌س گیانیان له‌ده‌ستدابوو و لانیكه‌م ٤٠ كه‌سی دیكه‌ش بریندارببوون. هه‌روه‌ها له هێرش بۆ سه‌ر ناوه‌ندی بارهێنانی “كه‌وسه‌ر دانش”، ٢٤ كه‌س گیانیان له‌ده‌ستدابوو و ٥٧ كه‌سی دیكه‌ش بریندارببوون.