به پێی ڕاپۆرتی ڕێكخراوی مافی مرۆڤی هەنگاو، هاووڵاتییەکی خەڵکی شاری سنە کە کۆتایی ساڵی ڕابردوو لەلایەن دەزگای قه‌زایی ڕژیمه‌وه حوکمی زیندانی بە سەردا سەپابوو، دەستبەسەر و ڕەوانەی زیندانی ناوه‌ندی ئه‌مشاره کرا.
بەپێی ئه‌م ڕاپۆرته، “دەلێر نەسری” دانیشتووی گوندی تەنگیسەری سه‌ر به شاری سنه، ڕۆژی یەکشەممە دوای بانگ کران بۆ لقی چواری جێبەجێ کردنی حوکمەکانی دادگای ڕژیم له‌مشاره، بە مەبەستی تێپەڕاندنی ماوەی حوکمی یەک ساڵ زیندانه‌كه‌ی دەستبەسەر و ڕەوانەی زیندانی ناوەندیی شاری سنه کراوە. جێگه‌ی وه‌بیرهێنانه‌وه‌یه، “دەلێر نەسری” ڕۆژی سێشەممە ٢ی ڕەزبەری پاره‌كه، لە لایەن هێزەکانی ئیتلاعاتی سپای سنە لە شوێنی کارەکەی دەستبەسەر و دوای دوو حه‌فته، بە دانانی وه‌سیقه‌ی ٢٥٠ میلیۆن تمەنی و بە شێوەی کاتی له زیندان ئازاد کرابوو. دەلێر نەسری زستانی ڕابردوو لە لایەن لقی یەکی دادگای سنە بە تۆمەتی “ئەندامەتی لە یه‌كێك له حیزبه نه‌یاره‌كانی ڕژیم” و “چوونە دەرەوەی نایاسایی لە وڵات” حوکمی دوو ساڵ زیندانی بەسەردا سەپابوو.