ڕاپۆرته‌كان له شاری پیرانشار باس له‌وه ده‌كه‌ن كه هاووڵاتییەکی خه‌ڵكی ئه‌مشاره كه له ماوه‌ی ڕۆژانی ڕابردوودا لە لایەن هێزەکانی ئیدارەی ئیتلاعاتی پیرانشاره‌وه دەستبەسەر و بۆ شوێنێکی نادیار گوازترابوویه‌وه، چاره‌نووسی نادیاره.
بەپێی ئه‌م ڕاپۆرته، ڕۆژی دووشەممە ١٢ی گه‌ڵارێزان، هێزەکانی ئیدارەی ئیتلاعاتی پیرانشار لە گوندی زێوە هاووڵاتییەکی دانیشتووی ئه‌م گونده‌یان بە ناوی “محەممەد مەحموودی” به تۆمه‌تی “هاوكاری له‌گه‌ڵ یه‌كێك له حیزبه‌كانی نه‌یاری ڕژیم” دەستبەسەر کردووە. شایانی باسه، سەرەڕای تێپەڕینی چوار ڕۆژ به‌سه‌ر دەستبەسەر کرانی ناوبراو و بەدواداچوونی بەردەوامی بنەماڵەکەی، له چارەنووس و شوێنی ڕاگیرانی هیچ زانیارییه‌ك له‌به‌ر ده‌ستدا نییه.