كاربه‌ده‌ستانی ڕه‌سمی ئێتیۆپی ڕۆژی دووشه‌ممه ڕایانگه‌یاند كه به‌هۆی هێرشی چه‌ند كه‌سێكی نه‌ناسراو بۆ سه‌ر ناوچه‌ی “ئۆرۆمییا” له ڕۆژئاوای ئه‌م وڵاته، لانیكه‌م ٣٢ كه‌س گیانیان له‌ده‌ستداوه و ٢٠ بیناش ئاگر تێبه‌ردراوه.
به پێی ڕاپۆرتی هه‌واڵنێریی ڕوویتێرز، هێرشبه‌ره‌كان به زۆر خه‌ڵكیان له ماڵه‌كانیان هێناوه‌ته ده‌رێ و بردوویانه‌ته حه‌ساری مه‌دره‌سه‌یه‌ك و داویانه‌ته به‌ر ده‌ستڕێژی گولله. هه‌روه‌ها له ئه‌نجامی ئه‌م ڕووداوه ٧٠٠ تا ٧٥٠ كه‌سیش به‌هۆی ئاگرتێبه‌ردانی ماڵه‌كانیان له‌لایه‌ن ئه‌م كه‌سانه‌وه، ئاواره بوون. شایانی باسه، ئه‌م هێرشه له لایه‌ن گرووپی “ئۆ ئێل ئێف شین” یه‌كێك له شاخه‌كانی جیابووه‌وه‌ی ئه‌ڕته‌شی ڕزگاریكه‌ری “ئۆرۆمۆ” ئه‌نجام دراوه.