ویلایه‌ته یه‌كگرتووه‌كانی ئه‌مریكا به سه‌پاندنی گه‌مارۆی نوێی له‌دژی وڵاتی كوبا، سه‌نعه‌تی گه‌شتیاری و به‌رنامه‌ی هه‌نارده‌كردنی پزیشك بۆ ده‌ره‌وه‌ی ئه‌م وڵاته‌ی ته‌حریم كردووه.
وه‌زاره‌تی ده‌ره‌وه‌ی ئه‌مریكا دوو هۆتێلی گه‌وره‌ی كوبای به لیستی گه‌مارۆكانی زیاد كردووه كه خاوه‌نی یه‌كێك له‌م هۆتێلانه كه‌سێكی ئاڵمانییه. دوو ڕۆژنامه‌ی كوباش خراوه‌ته لیستی گه‌مارۆكانی ئه‌مریكاوه كه به‌وته‌ی كاربه‌ده‌ستانی ئه‌مریكا داهاته‌كه‌ی له ئێختیاری ئه‌ڕته‌شی ئه‌م وڵاته قه‌رار ده‌گرێت. به سه‌پاندنی گه‌مارۆ نوێیه‌كان له‌دژی ده‌وڵه‌تی كوبا، بازه‌رگانی كردنی هاووڵاتییانی ئه‌مریكای له‌گه‌ڵ ئه‌م ناوه‌ندانه قه‌ده‌غه ڕاگه‌یه‌ندراوه. گه‌مارۆكان هه‌روه‌ها قه‌ده‌غه كردنی سه‌فه‌ر، ده‌ركردنی ویزا بۆ داڕێژه‌رانی گه‌ڵاڵه‌ی هه‌نارده‌كردنی پزیشك بۆ ده‌ره‌وه‌ی وڵاتی كوبا ده‌گرێته‌وه. له‌كاتی ده‌ستپێكی سه‌رۆك كۆماری دوناڵد ترامپ، ده‌وڵه‌تی ئه‌مریكا گه‌مارۆكانی له‌دژی ده‌وڵه‌ی كوبا به‌كرده‌وه ده‌رهێناوه‌ته‌وه.