به پێی ڕاپۆرته‌كان بەهۆى دزەکردنى گاز لە بنکەیەکى تەندروستى لە شاری تاران، تەقینەوەیەک رویداوە و بەهۆیەوە ١٩ کەس گیانیان لەدەستداوە.
له‌م پێوه‌نده‌دا، سەرۆکی دامەزراوەی باری له‌ناكاوی شاری تاران رایگەیاندووە: لە ئەنجامى ئه‌م تەقینەوەیە كه لە ناو بنکەیەکی تەندروستی لە شەقامی شەریعەتی شاری تاران ڕوویداوه، ١٩ کەس گیانی لەدەستداوه و ١٤ کەسی دیکەیش برینداربوون. شایانی باسه، لەدوای تەقینەوەکە شەقامی شەریعەتی بە ڕووی ھاتووچۆی خه‌ڵكدا داخراوه و رێکاری توندی ئەمنی لە شوێنی رووداوەکە گیراوەتەبەر.