كارمه‌ندانی نه‌خۆشخانه‌ی “سادق گه‌نجی” له بۆرازجان، ڕۆژی پێنشجه‌ممه ٥ی پووشپه‌ڕ، له ئاست په‌رداخت نه‌كرانی حقووق و مه‌زایاكانیان له‌م بارودۆخه‌ی ناله‌باره ئابوورییه‌ی ئێستادا، ناڕه‌زایه‌تییان ده‌ربڕی.
ناڕازییان وێڕای ئاماژه به بارودۆخی دژواری به‌ڕێوه‌چوونی ژیانیان به‌هۆی كۆرۆنا، ڕایانگه‌یاندووه: زیاتر له دوو مانگه حقووقه‌كانیان په‌رداخت نه‌كراوه و سه‌ره‌ڕای ئه‌وه‌یكه زیاتر له ١٠ ساڵه كار ده‌كه‌ن، به‌ڵام له بیمه‌ی بێكاری بێبه‌شن. ده‌شڵێن: له‌م بارودۆخه ناله‌باره ئابوورییه‌ی ئێستادا، په‌رداخت نه‌كرانی حقووقه‌كان كێشه‌وگرفته‌كانیانی چه‌ند هێنده كردووه‌ته‌وه و هه‌ر بۆیه تا گه‌یشتن به سه‌رجه‌م خواسته‌كانیان ده‌ست له كۆبوونه‌وه هه‌ڵنگرن.