ڕۆژی شه‌ممه ٣١ی جۆزه‌ردان، سێ كه‌س له ئه‌ندامانی كانوونی نووسه‌رانی ئێران به ناوه‌كانی “ڕه‌زا خه‌ندان مهابادی، بێكتاش ئابتین و كه‌یوان باژن” له لایه‌ن به‌شی تاوانه‌كانی دادگای ڕژیمه‌وه بانگ كران و پێیان ڕاگه‌یه‌ندرا كه ڕۆژی یه‌كشه‌ممه ١ی پووشپه‌ڕ، خۆیان به لقی یكی تاوانه‌كان بناسێنن.
به پێی ئه‌م ڕاپۆرته، “ڕه‌زا خه‌ندان و بێكتاش ئابتین” هه‌ر كام به شه‌ش ساڵ زیندان مه‌حكووم كراون. هاوكات “كه‌یوان باژن” به سێ ساڵ و شه‌ش مانگ زیندان مه‌حكووم كراون. شایانی باسه، ئه‌م سێ كه‌سه به تۆمه‌تی “كۆبوونه‌وه و ته‌بانی له‌دژی ئه‌منییه‌تی میللی” و “پڕوپاگاندا له‌دژی نیزام”، ئه‌م حوكمه‌یان به‌سه‌ر دا سه‌پێندراوه.