وەزارەتی تەندروستی عێراق رایگەیاندووه، لە ماوەی ٢٤ کاتژمێری رابردوودا زیاتر له هەزار و ٤٠٠ حاڵەتی نوێی توشبوون بە کۆرۆنا و ٧٧٨ چاکبوونەوە و ٦٢ گیانلەدەستدان تۆمارکراوە.
ڕۆژی هەینی ٣٠ی جۆزه‌ردان، وەزارەتی ژینگە و تەندروستی عێراق رایگەیاند، لە ماوەی ٢٤ کاتژمێری رابردوودا هەزار و ٤١١ حاڵەتی نوێی توشبوون بە کۆرۆنا تۆمارکراوە. ئاماژە بەوەشکراوە، ٦٢ کەس بەم نه‌خۆشییه گیانیان لەدەستداوە. بەپێی دوایین ئامارەکان، تا ئێستا ٢٧ هەزار و ٣٥٢ کەس لە عێراقدا توشی ویرووسی کۆرۆنا بوون، لەو ژمارەیەش ٩٢٥ کەس گیانیان لەدەستداوە و ١٢ هەزار و ٢٠٥ کەسیش لە نەخۆشییەکە چاکبوونەتەوە.