كۆمیساریای باڵای ڕێكخراوی نه‌ته‌وه یه‌كگرتووه‌كان بۆ كاروباری په‌نابه‌ران له نوێترین ڕاپۆرتیدا ڕایگه‌یاندووه: له ساڵی ٢٠١٩ به‌هۆی ڕووداوه‌كانی سه‌رچاوه‌گرتوو له شه‌ڕ، توندووتیژی و كێشه‌وگرفتی ئابووری، ٧٠ ملیۆن و ٥٠٠ هه‌زار كه‌س ئاواره بوون.
به پێی ئه‌م ڕاپۆرته، ئه‌م ژماره‌یه زیاتر له یه‌ك له‌سه‌دی كۆمه‌ڵگای جیهانییه و له پێوه‌ر له‌گه‌ڵ ساڵی ٢٠١٨، ٩ ملیۆن كه‌س زیاتر ئاواره بوون. ناوبراو ڕاشیگه‌یاندووه: له كۆتایی مانگی دێسامبری پاره‌كه، ٢٩ ملیۆن و ٦٠٠ هه‌زار كه‌س له سه‌رتاسه‌ری جیهان، په‌نایان بردووه‌ته وڵاتانی دیكه و ٤٥ ملیۆن و ٧٠٠ هه‌زار كه‌سیش له وڵاتانی خۆیان ئاواره بوون كه ئه‌م ژماره‌یه له‌چاو ساڵی ٢٠١٨، ٤ ملیۆن و ٤٠٠ هه‌زار كه‌س زیاتر بووه. هه‌روه‌ها ژماره‌ی ئه‌و په‌ناخوازانه‌ی كه هێشتا سه‌باره‌ت به بارودۆخیان بڕیار نه‌دراوه، به ڕاده‌یه‌كی به‌رچاو زیادی كردووه.