ڕۆژی پێنجشه‌ممه ٢٩ی جۆزه‌ردان، به‌هۆی هاویشتنی گولله هاوه‌نێك به‌ره‌و مه‌دره‌سه‌یه‌ك له ئه‌فغانستان، لانیكه‌م ٧ خوێندكاری تازه‌لاو گیانیان له‌ده‌ستدا.
له ئه‌نجامی ئه‌م ڕووداوه كه له وێلسوالی “ئه‌شكمێش” له ویلایه‌تی ته‌خار له باكووری ڕۆژهه‌ڵاتی ئه‌م وڵاته ڕوویداوه، سه‌ره‌ڕای گیان له‌ده‌ستدانی ٩ تازه لاو، ٦ كه‌سی دیكه‌ش به سه‌ختی برینداربوون. ئه‌مه له‌كاتێكدایه كه هه‌تا ئێستا هیچ كه‌س یاخود گرووپێك به‌رپرسایه‌تیی ئه‌م هێرشه‌ی نه‌گرتووه‌ته ئه‌ستۆ. شایانی باسه، ئه‌م هێرشه له حاڵێكدا ڕوویداوه كه نوێنه‌رانی ده‌وڵه‌تی ئه‌فغانستان و تاڵبان به‌دوای ڕاگیرانی درێژماوه‌ی وتووێژه‌كان، سه‌رقاڵی ئاماده‌كاری بۆ به‌ڕێوه‌بردنی وتووێژی ئاشتین، تا كۆتایی به‌م هێرش و تێكهه‌ڵچوونانه بێنن.