كرێكارانی فه‌زای سه‌وزی شاره‌درایی مه‌نته‌قه ٢ی ئه‌هواز، ڕۆژی دووشه‌ممه ٢٦ی جۆزه‌ردان، به كۆبوونه‌وه له به‌رامبه‌ر بینای شاره‌داریی ئه‌مشاره، له‌ئاست ڕه‌وتی چوونه‌سه‌ره‌وه‌ی ده‌ركرانه‌كان له‌م ناوه‌نده ناڕه‌زایه‌تییان ده‌ربڕی.
به پێی ئه‌م ڕاپۆرته، له ماوه‌ی ڕۆژانی ڕابردوودا لانیكه‌م ١٦ كرێكاری فه‌زای سه‌وزی شاره‌داریی مه‌نته‌قه ٢ی ئه‌هواز كه له‌ژێر چاودێری شیركه‌تی په‌یمانكاری ئه‌نبار سه‌حه‌ر له خوزستان كار ده‌كه‌ن و پێشینه‌ی ٢ تا ٩ ساڵ كاریان هه‌یه، به بێ هیچ هۆكارێك له‌سه‌ر كاره‌كانیان ده‌ركراون. كرێكارانی ناڕازیی، وێرای ئێعتراز به‌م هه‌وڵه، خوازیاری گه‌ڕانه‌وه‌ی هاوكاره‌كانیان بۆ سه‌ر كار بوون.