كۆمه‌ڵێك له كرێكارانی نه‌یشه‌كه‌ری هه‌فت ته‌په، ڕۆژی سێشه‌ممه ٢٠ی جۆزه‌ردان، له ناڕه‌زایه‌تیی به درێژنه‌كردنه‌وه‌ی ده‌فته‌رچه‌ی بیمه‌كانیان به‌هۆی په‌رداخت نه‌كرانی حه‌قی بیمه‌كانیان به سازمانی ته‌ئمینی ئیجتماعی، ده‌ستیاندایه كۆبوونه‌وه.
به‌وته‌ی كرێكارانی ناڕازیی، سازمانی ته‌ئیمنی ئیجتماعی لقی هه‌فت ته‌په له ئۆستانی خوزستان، به‌هۆی په‌رداخت نه‌كردنی حه‌قی بیمه‌ی كرێكارانی شیركه‌تی نه‌یشه‌كه‌ری هه‌فت ته‌په به‌م سازمانه، له درێژكردنه‌وه‌ی ده‌فته‌رچه بیمه‌كانی كرێكارانی ئه‌م دامه‌زراوه‌یه خۆی بواردووه. ده‌شڵێن: سه‌ره‌ڕای بیمه‌كانیان، كارفه‌رما هێشتا حه‌قده‌ستی مانگه‌كانی خاكه‌لێوه و گوڵان و هه‌روه‌ها ٤ له‌سه‌د له هه‌زینه‌ی سه‌ختی كاری ٩٠ كه‌س له كرێكارانی قه‌دیمی ئه‌م دامه‌زراوه‌یه‌ی په‌رداخت نه‌كردووه.