كۆمه‌ڵێك له كرێكارانی هۆتێله‌كانی تاران له ناڕه‌زایه‌تی به دواخرانی حه‌قده‌سته‌كانیان له به‌رامبه‌ر شیركه‌تی گه‌شه‌ی گه‌شتیاری له تاران ده‌ستیان دایه كۆبوونه‌وه.
به پێی ڕاپۆرته‌كان، ژماره‌یه‌كی به‌رین له كرێكارانی هۆتێله‌كان كه له كاتی بڵاوبوونه‌وه‌ی كۆرۆناوه هه‌تا ئێستا، ٤ مانگه حه‌قده‌ستیان پێنه‌دراوه، خوازیاری وه‌رگرتنی هه‌رچی زووتری حه‌قده‌سته دواخراوه‌كانیان بوون. به وته‌ی ناڕازیان هه‌تا ئێستا هیچ به‌رپرسێك وڵامی به خواسته‌كانیان نه‌داوه‌ته‌وه. شایانی باسه، كرێكارانی ده‌ركراوی شیركه‌تی گه‌شه‌ی گه‌شتیاریی ئێران له شارستانی سه‌عه‌ین، پێشتر، به مه‌به‌ستی گه‌ڕانه‌وه‌یان بۆسه‌ر كار له به‌رامبه‌ر فه‌رمانداریی ئه‌مشاره له ئۆستانی ئه‌رده‌بیل كۆبوونه‌وه‌یه‌كی ناڕه‌زایه‌تیان به‌ڕێوه‌بردبوو.