ژماره‌یه‌ك له كرێكارانی په‌یمانی شیركه‌تی “فه‌لات قاڕه” له دوورگه‌ی خارگ، ڕۆژی شه‌ممه ١٧ی جۆزه‌ردان، له‌ئاست په‌رداخت نه‌كرانی حه‌قده‌سته‌كانیان و هه‌روه‌ها په‌رداخت نه‌كرانی حه‌قی بیمه‌كانیان به سازمانی ته‌ئمینی ئیجتماعی، ده‌ستیاندایه كۆبوونه‌وه.
به پێی ئه‌م ڕاپۆرته، ئه‌م كرێكارانه كه ژماره‌یان ١٠٠ كه‌س ده‌بێ و له به‌شی باربه‌ری و ئه‌نبارداری كار ده‌كه‌ن و لایه‌نی قه‌رارداد له‌گه‌ڵ شیركه‌تی په‌یمانكارین، ده‌ڵێن: حه‌قده‌ستی مانگی گوڵانیان هێشتا پێ نه‌دراوه و دوو مانگه ده‌فته‌رچه‌ی بیمه‌كانیان تازه نه‌كراوه‌ته‌وه.