به هه‌زاران كه‌س له خه‌ڵكی لوبنان به‌دوای كه‌مبوونه‌وه‌ی ئاسته‌نگییه‌كان به‌هۆی ویرووسی كۆرۆنا، ڕۆژی یه‌كشه‌ممه ١٧ی جۆزه‌ردان، بۆ جارێكی دیكه هاتنه سه‌ر شه‌قامه‌كان و له‌دژی ده‌وڵه‌ت خۆپیشاندانیان ئه‌نجام دا.
به‌پێی ئه‌م ڕاپۆرته، ناڕازییان كه له مه‌یدانی ناوه‌ندی به‌یرووت ده‌ستیاندایه كۆبوونه‌وه، له لایه‌ن هێزه ئه‌منییه‌كانه‌وه هێرشی كرایه سه‌ریان و گازی فرمێسكڕێژیان به‌كارهێنا. شایانی باسه، خۆپیشانده‌ران له‌م ناڕه‌زایه‌تییه‌دا، خوازیاری ده‌ست له‌كار كێشانه‌وه‌ی ده‌وڵه‌ت، به‌ڕێوه‌چوونی هه‌ڵبژاردنی په‌رله‌مانی پێشوه‌خته و چه‌ك كردنی گرووپی حیزبوڵڵا بوون.