له ئه‌نجامی دوو ڕووادوی جیاجیا له شاره‌كانی تاران و یه‌زد، لانیكه‌م دوو كرێكار به‌هۆی نه‌بوونی ئیمه‌نی پێویست له شوێنی كار، گیانیان له‌ده‌ستدا.
له یه‌كه‌م ڕووداودا، كرێكارێكی بیناسازیی له‌كاتی كار به‌هۆی به‌ربوونه‌وه له نهۆمی حه‌وتی بینایه‌كی نیوه‌كاره، له شارستانی ده‌ماوه‌ند له ئۆستانی تاران گیانی له‌ده‌ستدا. هه‌روه‌ها كرێكارێكی شاره‌داریی یه‌زد له‌كاتی خاوێنكردنه‌وه‌ی حه‌وزچه‌ی مه‌یدانی حه‌سه‌ن ئاوا، تووشی به‌رق گرتوویی بوو و له ئه‌نجامدا گیانی له‌ده‌ستدا.