له ئه‌نجامی ڕوودانی دوو ڕووداوی جیاجیا له شاره‌كانی پاكده‌شت و كه‌ره‌ج، دوو كرێكار به‌هۆی نه‌بوونی ئیمه‌نی شوێنی كار و ئیمكاناتی پێویست، تووشی ڕووداو بوون و به‌هۆیه‌وه گیانیان له‌ده‌ستدا.
له یه‌كه‌م ڕووداودا، كرێكارێكی ٢٠ ساڵ ته‌مه‌ن له كاتی كار له گوڵخانه‌یه‌ك له پاكده‌شت له ئۆستانی تاران، تووشی به‌رق گرتوویی بوو و گیانی له‌ده‌ستدا. هه‌روه‌ها كرێكارێكی بیناسازیی له كه‌ره‌ج له مه‌نته‌قه‌ی “گه‌رم ده‌ره”ی ئه‌مشاره، به‌هۆی به‌ربوونه‌وه له نهۆمی پێنجی ئه‌م بینایه، به‌سه‌ختی برینداربوو و پاش ڕاگوێزرانی بۆ نه‌خۆشخانه، به‌هۆی سه‌ختی برینه‌كانییه‌وه گیانی له‌ده‌ستدا.