له ئه‌نجامی ناڕه‌زایه‌تیی ده‌ربڕینی به‌ندكراوانی زیندانی میناب، مه‌ئموورانی زیندان هێرشیان كرده سه‌ر زیندانییه‌كان و ئاڵۆزی ئه‌م زیندانه‌ی داگرت.
به پێی ئه‌م ڕاپۆرته، ئه‌م ناڕه‌زایه‌تییه به‌دوای ئه‌وه ڕوویدا كه یه‌كێك له به‌ندكراوان كه پێشتر له لایه‌ن مه‌ئموورانی ده‌ریابانی كه‌رگان ده‌ستبه‌سه‌ر كرابوو، كه‌وتبووه به‌ر ئه‌زیه‌ت و ئازار و ئه‌شكه‌نجه‌ی ئه‌م مه‌ئموورانه. شایانی باسه، له ئه‌نجامی ناڕه‌زایه‌تیی هاوبه‌ندییه‌كانی ئه‌م به‌ندكراوه، زیندانییانی به‌نده‌كانی دیكه‌ی ئه‌م زیندانه ناڕه‌زایه‌تییان ده‌ربڕیوه و شووشه‌كانی زیندانیان شكاندووه.