به پێی ڕاپۆرته‌كان، هاووڵاتییەکی خەڵکی شنۆ کە مانگی بەفرانباری ساڵی ڕابردوو حوکمی زیندانی بە سەردا سه‌پێندرابوو، ده‌ستبه‌سه‌ر و بۆ زیندانی ناوه‌ندی شنۆ گوازترایه‌وه.
له ماوه‌ی یه‌ك دوو ڕۆژی ڕابردوودا، هێزە ئەمنییەکانی ڕژیم لە شاری شنۆ هەڵیان کوتایه سه‌ر ماڵ “عەلی ئیسماعیلی” و دوای دەستبەسەر کرانی بە مەبەستی تێپەڕاندنی ماوەی حوکمەکەی، بۆ زیندانی ناوەندیی ئەو شارەیان گوازترایه‌وه. جێگه‌ی ئاماژه‌یه، “عەلی ئیسماعیلی” تەمەن ٤٢ ساڵ و خەڵکی گوندی “جاشێران”ی سه‌ر به شاری شنۆ ڕۆژی پێنجشەممە ٢٠ی پووشپەڕی پاره‌كه لە لایەن هێزە ئەمنییەکانەوە دەستبەسەر و مانگی بەفرانباری هه‌مان ساڵ، لە لایەن لقی دووی دادگای تاوانەکانی شنۆ بە تۆمەتی “هاوکاری لەگەڵ یه‌كێك له حیزبه نه‌یاره‌كانی ڕژیم” حوکمی یەک ساڵ زیندانی بە سەردا سەپابوو.