ژماره‌یه‌ك له كارمه‌ندانی ئیداره‌ی به‌رق له شاره‌كانی ئۆستانی خوزستان، ڕۆژی دووشه‌ممه ٨ی مانگی گوڵان به به‌ڕێوه‌بردنی كۆبوونه‌وه له‌ئاست كه‌م كردنه‌وه‌ی حه‌قده‌سته‌كانیان ناڕه‌زایه‌تییان ده‌ربڕی.
به‌پێی ئه‌م ڕاپۆرته، ناڕازییان به چوون بۆ خوزستان و به‌ڕێوه‌بردنی كۆبوونه‌وه له به‌رامبه‌ر شیركه‌تی بڵاوكردنه‌وه‌ی ئیداره‌ی به‌رقی ئۆستان و وتنه‌وه‌ی درووشمی ئێعتڕازی، خوازیاری پێڕاگه‌یشتنی كاربه‌ده‌ستان به خواسته‌كانیان بوون. ناڕازییان له‌ڕێگه‌ی به‌ده‌سته‌وه گرتنی چه‌ندین پلاكارد، له‌ئاست به حه‌جمی كرانی حه‌قده‌سته‌كانیان ناڕه‌زایه‌تییان ده‌ربڕیوه.