ڕۆژی سێشه‌ممه ١١ی مانگی پووشپه‌ڕ، كرێكارانی شاره‌داریی “سه‌رفاریاب” له شارستانی “چرام”ی سه‌ر به ئۆستانی كه‌هگیلویه و بۆیر ئه‌حمه‌د، له ناڕه‌زایه‌تی به نه‌درانی چه‌ندین مانگ حه‌قده‌ست و بیمه‌كانیان، ده‌ستییان له كار كێشایه‌وه و مانیان گرت.
به‌پێی ڕاپۆرته‌كان، كرێكاران خوازیاری پێدرانی ٤ مانگی حه‌قده‌سته دواخراوه‌كانیان بوون و ڕاشیانگه‌یاندووه كه، چه‌ندین مانگه حه‌قی بیمه‌كانیشیان په‌رداخت نه‌كراوه و له‌م باروودۆخه ناله‌باره ئابووریییه‌دا، به‌هۆی نه‌درانی حه‌قده‌سته‌كانیان، كێشه‌ی زۆر بۆ خۆیان و بنه‌ماڵه‌كانیان درووست بووه و هه‌تا گه‌یشتن به سه‌رجه‌م خواسته‌كانیان درێژه به مانگرتن و ناڕه‌زایه‌تی ده‌ده‌ن.