كۆمه‌ڵێك له كرێكارانی كارخانه‌ی “ئه‌بری سه‌نعه‌تیی ئێران” له ئۆستانی قه‌زوین بۆ چه‌نده‌مین جاری به‌رده‌وام، خوازیاری پێڕاگه‌یشتنی به‌رپرسان به حه‌قده‌سته دواخراوه‌كانیان بوون.
به پێی ڕاپۆرته‌كان، ژماره‌یه‌ك له كرێكارانی كارخانه‌ی ئه‌بری سه‌نعه‌تیی ئێران سه‌ره‌ڕای تێپه‌ڕبوونی ١٠ ساڵ به‌سه‌ر داخرانی ئه‌م كارخانه‌یه، هه‌تا ئێستا به‌شێك له حه‌قده‌ست و مه‌زایاكانیان پێنه‌دراوه. كرێكارانی ئه‌م كارخانه‌یه ڕایانگه‌یاندووه كه له ساڵی ٨٩وه چالاكیی كارخانه‌ی ئه‌بری سه‌نعه‌تیی ئێران ڕاگیراوه و له‌و كاته‌وه هه‌تا ئێستا له بیلاته‌كلیفی دا به‌سه‌ر ده‌بن و خاوه‌نكار و به‌رپرسان هیچ هه‌وڵێكیان بۆ چاره‌سه‌ری كێشاكانیان نه‌داوه. كرێكاران باسیان له‌وه كردووه كه: خاوه‌نكار به بیانووی نه‌بوونی نه‌خدینه، له ساڵی ٨٩وه هه‌تا ئێستا له پێدانی حه‌قدست، سه‌نه‌وات، پاداشت و جێژنانه و مه‌زایاكانی دیكه خۆی بواردووه.