چهارشنبه – ۵ تیر – ۱۳۹۸ , 26 – 06 – 2019
رێكخراوی كۆمه‌ڵگه‌ی مه‌ده‌نی ئیسپانیا له راپۆرتێكدا ئاشکرای كردووه كه چاره‌نوسی ٧٥ له سه‌دی ئه‌و كۆچبه‌ره نایاساییانه‌ی كه له ده‌ریای مه‌دیته‌رانه‌دا بێ سه‌روشوێن بوون، نادیاره.
ئه‌م ڕێكخراوه له راپۆرته‌كه‌یدا له‌ژێر ناونیشانی “ژیان له لێواری مه‌رگدا” بڵاوكردوه‌ته‌وه كه كاره‌ساتی كۆچبه‌ره نایاساییه‌كانی ده‌ریای مه‌دیته‌رانه زۆر له‌و گەورەترە کە هه‌تا ئێستا ئاشكرا كراوه. له به‌شێك له راپۆرته‌كه‌دا باس له‌وه‌كراوه كه “له ماوه‌ی ١٦ مانگی رابردوودا له رۆژئاوای ده‌ریای مه‌دیته‌رانه له‌ناوچه‌ی نێوان ئیسپانیا و مه‌غریب، ٧٠ به‌له‌م كه هه‌ڵگری كۆچبه‌رانی نایاسایی بوون، ژێر ئاوكه‌وتون و له كۆی هه‌زار و ٢٠ كۆچبه‌ر، ته‌نها ته‌رمی ٢٤٠ کۆچبەر دۆزراونه‌ته‌وه. هه‌روه‌ها ئاماژە بەوەشکراوە كه ٨١٦ كۆچبه‌ره‌كه‌ی دیكه كه مه‌زه‌نده دەکرێت گیانیان لەدەستدابێت، چاره‌نووسیان نادیاره و ئەوەش به مانای ئه‌وه‌یه کە چاره‌نوسی ٧٥ له‌سه‌دی ئه‌و كۆچبه‌ره نایاساییانه‌ی كه له ده‌ریای سپیدا بێ سه‌روشوێن بوون، ڕوون نییه.