“فەرزاد حەیات نیا” بەڕێوەبەری سەرچاوە سرووشتییەکانی شاری چووار لە ئوستانی ئیلام رایگەیاند، ئەو کەسانەی لە دوو ژینگەپارێزیان دابوو و برینداریان کردبوون، دەستبەسەر کراون و لە ئێستادا بەندکراون.
به‌وته‌ی ناوبراو، چەند کەسێک بە سێ ئۆتۆمبێلەوە لە ناوچەی داڵاو داریان بڕیوەتەوە، ژینگەپارێزەکان کە ئەوانەیان بینیوە، هۆشدارییان پێداون کە نابێت ئەو کارە بکەن، بەڵام ئەوان نەک گوێیان پێنەدابوون، بەڵکو زۆریشیان لە ژینگەپارێزەکان دابوو. بەپێی هەواڵی سەرچاوە خۆجێییەکان، دوای لێدانێکی زۆر، دوو کەس لە ژینگەپارێزان بەهۆی سەختی برینەوە گوازراونەتەوە بۆ ناوەندە دەرمانییەکانی ئەو شارە و تەندروستیی یەکێکیان ناجێگیرە.