بەپێی هەواڵی گەییشتوو بە تۆڕی میدیایی کۆمەڵە، ڕۆژی شەممە بەهۆی کەوتنەخوارەوەی “پاراگلایدرێک” لە شاری مەریوان هاووڵاتییەک گیانی لەدەستدا و کەسێکی دیکەش بەسەختی برینداربوو و له لایه‌كی دیكه‌وه لە جادەى سەرپێڵی زەهاو بۆ قەسرى شیرین به‌هۆی پێكدادانی دوو ئۆتۆمبێلی جۆری زانتیا و پژۆیەکى ٤٠٥ لە نزیک گوندى نەسراوا پاشا، کەسێک گیانى لەدەست دا و چوار کەسیش بریندار بوون.
بەپێی ئەو هەواڵە، له ڕووداوه‌كه‌ی شاری مه‌ریوان ئەو دوو هاووڵاتییە کە بە مەبەستی بەسەر بردنی کاتێکی خۆش بە “پاراگلایدر” لە سەر کوێستانی ئەو ناوچەیە خۆیان هەڵداوەتە خوارەوە، بەهۆی خراپی کەش و هەوا و هاتنی با، کۆنتڕۆڵیان به‌سه‌ر “پاراگلایدره‌كه‌دا” نه‌ماوه و لە ئاکامدا کەسێکیان گیانی لەدەستداوە و کەسەکەی دیکەش بەسەختی برینداربووە.