رۆژی یەکشەممە ١٥ی مانگی جۆزەردان، کرێکارێک بە ناوی “بورهان لەشگری” خەڵکی گوندی “ممکان” لە ناوچەی سۆماوبراودۆستی ورمێ بەهۆی نەبوونی ئیمەنیی لە کاتی کارکردندا گیانی لەدەستدا.
بەپێی ڕاپۆرتەکان، ناوبراو وەستای بەستنی ئاڕماتۆر بووە و لە کاتی کار کردندا لە نهۆمی پێنجەوە کەوتووەتەخواره‌وه و پاش دوو کاتژمێر مانەوە لە نەخۆشخانە بە هۆی سەختی برینەکانیه‌وه گیانی لەدەستداوە. جێگای ئاماژەیە، تەرمی ئەو کرێکارە رەوانەی پزیشکی داد کراوە و بڕیار وایە ئەمڕۆ دووشەممە ڕادەستی بنەماڵەکەی بکرێتەوە.