به پێی ڕاپۆرته بڵاوكراوه‌كان، له ماوه‌ی ڕۆژانی ڕابردوودا، ٥ كرێكار له شاره‌كانی ئیسفه‌هان، لاهیجان، كۆهكیلویه و بۆیه‌رئه‌حمه‌د، تووشی ڕووداوه‌كانی شوێنی كار بوون.
به پێی ئه‌م ڕاپۆرته، له ڕووداوی یه‌كه‌مدا، به‌هۆی ته‌قینه‌وه له كارگه‌یه‌كی به‌رهه‌مهێنانی ماست له ئیسفه‌هان ٣ كرێكار به سه‌ختی بریندار بوون. له لایه‌كی دیكه كرێكارێكی ٣٨ ساڵ ته‌مه‌ن به‌هۆی به‌ربوونه‌وه له به‌رزاییه‌وه له لاهیجان، بریندار بوو و بۆ نه‌خۆشخانه‌ی ئه‌مشاره گوازرایه‌وه. هه‌روه‌ها له ڕووداوێكی دیكه‌شدا، كرێكارێكی ٢٧ ساڵ ته‌مه‌ن له مه‌عده‌نێكی به‌رد له ئۆستانی كۆهكیلویه و بۆیه‌رئه‌حمه‌د، به‌هۆی وه‌رگه‌ڕانی بێڵی مكانیكی گیانی له‌ده‌ست دا.