به پێی ڕاپۆرته بڵاوكراوه‌كان، له ماوه‌ی ڕۆژانی ڕابردوودا به‌هۆی نه‌بوونی ئیمه‌نی شوێنی كار، لانیكه‌م سێ كرێكار له شاره‌كانی تاران، مه‌یبۆد و بێهشه‌هر گیانیان له‌ده‌ستدا.
له ڕووداوی یه‌كه‌مدا، منداڵێكی كاری ته‌مه‌ن ٧ ساڵ به‌هۆی ئاگركه‌وتنه‌وه له كارگه‌یه‌كی نه‌جاری له تاران تووشی سووتان هات و دوای ڕاگوێزرانی بۆ نه‌خۆشخانه گیانی له‌ده‌ست دا. له ڕووداوی دووهه‌مدا كرێكارێكی بیناسازی ٤٥ ساڵ ته‌مه‌ن، له كاتی كار له شارستانی مه‌یبۆد به‌هۆی داڕمانی دیواره‌وه گیانی له‌ده‌ست دا. له ڕووداوی سێهه‌میشدا شۆفیرێكی ٥٧ ساڵ ته‌مه‌ن له كاتی كار به تراكتۆرێكی بێڵ دار له مه‌عده‌نی ئاهه‌ك په‌زیی بێهشه‌هر تووشی ڕووداو هات و ده‌ستبه‌جێ گیانی له‌ده‌ست دا.