له ئه‌نجامی سێ ڕووداوی جیاجیا له شاره‌كانی له‌نجان، ئیلام و ئه‌روه‌ندان، لانیكه‌م ٤ كرێكار به‌هۆی ڕه‌چاو نه‌كرانی ئیمه‌نی شوێنی كار گیانیان له‌ده‌ستداوه و دوو كرێكاری دیكه‌ش به سه‌ختی برینداربوون.
به پێی ئه‌م ڕاپۆرته، له یه‌كه‌م ڕووداودا، كرێكارێكی ٢٨ ساڵ ته‌مه‌ن له‌كاتی كار له كارخانه‌ی شارۆچكه‌ی سه‌نعه‌تی فوولادی له‌نجان، به‌هۆی كه‌وتنه ناو كوره تاواندنه‌وه‌ی گیانی له‌ده‌ستدا. له دووهه‌م ڕووداودا، دوو كرێكاری شیركه‌تی میللی حه‌فاری ئیران، له‌كاتی كار له ده‌كه‌لی حه‌فاری ٥٦ی فه‌تح له ناوچه‌ی “ته‌نگ بیجار”ی ئیلام، به‌هۆی نه‌بوونی ئیمه‌نی شوێنی كار تووشی ڕووداو بوون و به سه‌ختی برینداربوون. له لایه‌كی دیكه‌وه به‌هۆی ڕووداوێكی هاتووچۆ له جاده‌ی “ئه‌هواز ــــ ئابادان” سێ كه‌س له كارمه‌ندانی شیركه‌تی نه‌وت و گازی ئه‌روه‌ندان گیانیان له‌ده‌ستدا.