میدیاكانی بریتانیا ڕۆژی هه‌ینی ٦ی پووشپه‌ڕ ڕایانگه‌یاند كه سێ كه‌س به‌هۆی هێرشی پیاوێك له شاری گلاسكۆی سكاتله‌ند گیانیان له‌ده‌ستداوه و شه‌ش كه‌سی دیكه‌ش له‌وانه ئه‌فسه‌رێكی پۆلیس برینداربووه.
به پێی ئه‌م ڕاپۆرته، جێگری ره‌ئیس پۆلیسی سكاتله‌ند به بڵاوكردنه‌وه‌ی به‌یانییه‌ك ڕایگه‌یاندووه، دۆخه‌كه كۆنتڕۆڵ كراوه و هیچ مه‌ترسییه له‌سه‌ر خه‌ڵكی بوونی نییه. ناوبراو هه‌روه‌ها باسی له كوژرانی هێرشبه‌ره‌كه له لایه‌ن پۆلیسه‌وه كردووه. شایانی باسه، ئه‌م هێرشه شه‌ش ڕۆژ دوای هێرشی پیاوێكی چه‌قۆ به ده‌ست له شاری رێدینگ ڕوویداوه كه له ئه‌نجامیدا، سێ كه‌س گیانیان له‌ده‌ستدابوو.