کۆمەڵە_رێكخراوی كوردستانی حیزبی كۆمونیستی ئیران
ئێران

گیان له‌ده‌ستدانی چوار كرێكار به‌ ڕووداوی شوێنی كار

به‌ پێی ڕاپۆرته‌كان، له‌ ماوه‌ی ڕۆژانی ڕابردوودا لانیكه‌م ٤ كرێكار به‌هۆی ڕه‌چاو نه‌كرانی ئیمه‌نی شوێنی كار له‌ شاره‌كانی، ئیسفه‌هان، كه‌ره‌ج، شاری ڕه‌ی و مانه‌، تووشی ڕووداو بوون.

له‌ یه‌كه‌م ڕووداودا، منداڵێكی ته‌مه‌ن ١٤ ساڵ له‌كاتی كار له‌ بینایه‌كی نیوه‌كاره‌ له‌ شاری ئیسفه‌هان، به‌هۆی داڕمانی دیواری بیناكه‌ به‌سه‌ریدا، به‌ سه‌ختی برینداربوو و پاش ڕاگوێزرانی بۆ نه‌خۆشخانه‌، به‌هۆی قووڵبوونی برینه‌كانی، گیانی له‌ده‌ستدا. له‌ دووهه‌م ڕووداودا، كرێكارێكی لاوی ١٨ ساڵ ته‌مه‌ن له‌كاتی كاری جۆشكاری له‌ شاری كه‌ره‌ج، به‌هۆی به‌ربوونه‌وه‌ له‌ به‌رزایی گیانی له‌ده‌ستدا. هه‌روه‌ها كرێكارێكی بیناسازیی له‌كاتی كار له‌ مه‌نته‌قه‌ی “ده‌وڵه‌ت ئاباد”ی شاری ڕه‌ی، به‌هه‌مان شێوه‌ گیانی له‌ده‌ستدا. له‌ لایه‌كی دیكه‌وه‌ ڕاپۆرته‌كان باس له‌وه‌ ده‌كه‌ن كه‌ به‌هۆی وه‌رگه‌ڕانی ته‌راكتۆرێك له‌ ئاوایی “بیار”ی سه‌ر به‌ شارستانی مانه‌ له‌ ئۆستانی خۆراسانی شۆمالی، كرێكارێكی ٥٠ ساڵ ته‌مه‌ن گیانی له‌ده‌ستدا.

بابەتی پەیوەندیدار

كۆبوونه‌وه‌ی ئێرانیانی ئازادیخواز له‌ فڕانكفۆرتی ئاڵمان

-

له‌سێداره‌دانی سێ به‌ندكراو له‌ زیندانی ته‌ورێز

-

سه‌پاندنی سزای زیندان به‌سه‌ر چالاكانی مافی ژن له‌ گیلان

-

كۆبوونه‌وه‌ی كرێكارانی شاره‌داری له‌ ئه‌ندیمشك

-

كوژران و برینداربوونی چه‌ند كه‌س له‌ هێرشی داعش له‌ ڕۆژئاوای كوردستان

-

خۆپێشاندانی كوردانی ئورووپا دژبه‌ توركانی فاشیست

-