له ئه‌نجامی سێ ڕووداوی جیاجیا له شاره‌كانی ئیلام، پیشوا و به‌نده‌رله‌نگه، پێنج كرێكار به‌هۆی نه‌بوونی ئیمكاناتی ئیمه‌نی پێویست له شوێنی كار، گیانیان له‌ده‌ستدا.
به پێی ئه‌م ڕاپۆرته، كرێكارێكی بیناسازیی ١٩ ساڵ ته‌مه‌ن له‌كاتی كار له بینایه‌كی نیوه‌كاره له شاری ئیلام، تووشی به‌رق گرتوویی بوو و له ئه‌نجامدا گیانی له‌ده‌ستدا. له لایه‌كی دیكه‌وه سێ جووتیار له گوندی “گزیر”ی سه‌ر به شارستانی به‌نده‌رله‌نگه، له‌كاتی گواستنه‌وه‌ی مۆتۆرێكی گه‌رۆكی بێنزینی بۆ ناو چاڵێك به‌مه‌به‌ستی هه‌ڵكه‌ندنی ئه‌م چاڵه، تووشی گاز گرتوویی بوون و به‌هۆیه‌وه گیانیان له‌ده‌ستدا. له سێهه‌م ڕووداودا، كرێكارێكی ٣١ ساڵ ته‌مه‌ن له‌كاتی كار له بینایه‌كی نیوه‌كاره له شارستانی پیشوا، به‌هۆی به‌رق گرتوویی گیانی له‌ده‌ستدا.