به‌هۆی ئاگر كه‌وتنه‌وه له ئه‌نبارێكی نیوه‌كاره له نزیكیی سێئوول، پێته‌ختی كۆره‌ی باشوور، ٣٨ كرێكاری بناسازی گیانیان له‌ده‌ست دا و ١٠ كرێكاری دیكه‌ش بریندار بوون كه دۆخی ته‌ندرووستیی ٢ كه‌سیان ناجێگیر ڕاگه‌یه‌ندراوه.
به پێی ڕاپۆرته‌كان، ئه‌م ڕووداوه له ئه‌نبارێكی چوار نهۆمیی نیوه‌كاره له “ئینچێئۆن، هه‌ڵكه‌وتوو له ٥٠ كیلۆمیتریی باشووری ڕۆژهه‌ڵاتی ئه‌م وڵاته ڕووی داوه. شایانی باسه كۆنتڕۆڵ كردنی ئاگره‌كه ٥ كاتژمێری خایاندووه و پۆلیس هه‌تا ئێستا ناسنامه‌ی ٢٩ كه‌سی له‌و ٣٨ كه‌سه ڕاگه‌یاندووه. به وته‌ی به‌رپرسانی پۆلیس له ناو قوربانیاندا، ته‌رمی چه‌ندین كرێكاری چینی و قه‌زاقیش ده‌بیندرێ.