بەڕێوەبەرایەتی تەندروستی بەنگلادش ڕایگەیاندووە، بەهۆی شەپۆلێکی سەرماوە ٥٠ کەس لە چەند ناوچەیەکى وڵاتەکەدا گیانیان لەدەستداوە.
فەرمانگەی کەشناسی بەنگلادش ڕایگەیاندووە، ڕۆژی یەکشەممە، لە ناوچەی تیتۆلیا لە باکوری بەنگلادیش نزمترین پلەی گەرمی ئەمساڵی تۆمارکردووە. باسی لەوەشکردووە، زۆربه‌ی قوربانیان کرێکاران بوون كه زیاتر توشی سه‌رمابردووی بوون. هاوکات بەهۆی ئەو شەپۆلە سەرمایەشەوە کە ڕووی لە بەنگلادیش کردووە، بەرپرسانی فڕۆکەوانی ڕایانگەیاندووە، “بەهۆی ئەو هەورە چڕەی کە ئاسمانی ناوچەکەی گرتووەتەوە ناچاربوون ڕێڕەوی زۆربەی گەشتەکان بگۆڕن و هەندێک لە گەشتەکانیش دوابکەوێت”.