كاربه‌ده‌ستانی مه‌حللی چین ڕۆژی شه‌ممه ڕایانگه‌یاند، به‌هۆی بڵاوبوونه‌وه‌ی گاز له یه‌كێك له مه‌عده‌نه‌كانی باشووری ڕۆژئاوای ئه‌م وڵاته، لانیكه‌م ١٨ كرێكار به‌هۆی هه‌ڵمژینی گازی مۆنۆكسید كه‌ربۆن گیانیان له‌ده‌ستداوه.
به پێی ئه‌م ڕاپۆرته، كاربه‌ده‌ستێكی ده‌وڵه‌تی چین به بێ ئاماژه كردن به ورده‌كارییه‌كانی ئه‌م ڕووداوه، باسی له‌وه كردووه كه ئه‌م كرێكارانه به‌هۆی بڵاوبوونه‌وه‌ی گازی مۆنۆكسید كه‌ربۆن گیانیان له‌ده‌ستداوه. شایانی باسه، ساڵانه له مه‌عده‌نه‌كانی چین به تایبه‌ت مه‌عده‌نه‌كانی به‌ردی خه‌ڵۆز كه زۆربه‌یان گازی ژه‌هراوی و مه‌وادی ته‌قینه‌وه‌یان تێدایه، ڕووداوی له‌م چه‌شنه به‌رده‌وام ڕوو ده‌دات.