به پێی ڕاپۆرته‌كان، بەرپرسانی ئەفغانستان ڕایانگەیاندووە، لە ئاکامی ھێرشێکی ئاسمانی ھێزە ئەمنییەکانی ئەفغانستان لە ویلایەتی بادغیس، لانیکەم ١٠ کەس گیانی له‌ده‌ستداوه کە ژمارەیەک منداڵ و ژن لەنێودایە.
سەرۆکی ئەنجومەنی ویلایەتی بادغیس، رایگەیاند، کە لە کۆی ئەو ١٠ کەسەی گیانیان لەدەستداوە، سێیان منداڵ و دوو كه‌سی دیكه‌ش ژن بوون. ناوبراو ئاشکرایشی کردوە، کە بنکەی سپا لە ناوچەکەدا لەلایەن یاخیبووانەوە گەمارۆ دراوە و چەند ھێلیکۆپتەرێک ھەوڵی نیشتنەوەیان داوە بەڵام لەلایەن گوندنشینانەوە تەقەیان لێ کراوە.