ڕاپۆرته‌كان له شاری كرماشان باس له‌وه ده‌كه‌ن كه هاووڵاتییەکی خەڵکی شابادی ئه‌مشاره کە پاش دەستبەسەرکرانی بە هۆی لێدان و ئەشکەنجەی لە لایەن هێزەکانی ئیدارەی ئاگاهیی کرماشانەوە چووبووە حاڵەتی کۆما، گیانی له‌ده‌ستداوه.
بە پێی ئه‌م ڕاپۆرته، “بەهمەن عوقابی” تەمەن ٣٥ ساڵ و خەڵکی گوندی “چەقاجەنگا”ی سەر بە شاری شابادی کرماشان کە ماوەیەک لەمەوبەر بە هۆی لێدان و ئەشكەنجەی هێزەکانی ئاگاهیی کرماشانەوە چووبووە حاڵەتی کۆما، ڕۆژی هەینی ٢٦ی بەفرانبار لە نەخۆشخانەی خومەینیی ئەو شارە گیانی له‌ده‌ستدا. شایانی باسه، ناوبراو ڕۆژی یەکشەممەوه بە هۆی لێدان و ئەشکەنجەی هێزەکانی ئاگاهیی کرماشانەوە چووه‌ته کۆماوه و لەوکاتەوە لە بەشی چاوەدێریی تایبەتی نەخۆشخانەی خومەینی کرماشان و لە ژێر ڕێوشوێنێکی ئەمنیی تونددا بووه.