به پێی ڕاپۆرته‌كان، له ئه‌نجامی سێ ڕووداوی جیاجیا له شاره‌كانی كوهده‌شت، مهاباد و كوهبه‌نان، لانیكه‌م ٣ كرێكار به‌هۆی نه‌بوونی ئیمه‌نی شوێنی كار تووشی ڕووداو بوون و گیانیان له‌ده‌ستدا.
له یه‌كه‌م ڕووداودا، كرێكارێكی ٣٥ ساڵ ته‌مه‌ن له‌كاتی كار به ده‌زگای میكسێر له شارۆچكه‌ی سه‌نعه‌تی كوهده‌شت له ئۆستانی لورستان تووشی ڕووداو بوو و گیانی له‌ده‌ستدا. له دووهه‌م ڕووداودا، كرێكارێكی ٢٧ ساڵ ته‌مه‌ن له‌كاتی كار له گوندی “وسووكه‌ند”ی مهاباد، به‌هۆی به‌ربوونه‌وه له‌سه‌ر باڵابه‌ر، به سه‌ختی برینداربوو و ده‌ستبه‌جێ گیانی له‌ده‌ستدا. هه‌روه‌ها مه‌عده‌نچییه‌ك له مه‌عده‌نی به‌ردی خه‌ڵۆزی “پابدانای جنووبی” له كوهبه‌نان، تووشی ڕووداو بوو و پاش ڕاگوێزرانی بۆ نه‌خۆشخانه گیانی له‌ده‌ستدا.