ڕێكخراوی چاودێریکردنی ویرووسی کۆرۆنا ڕۆژی یەکشەممە ١٠ی خاكه‌لێوه ڕایگه‌یاند، ٦٦٤ هەزار و ٣٤٣ کەس لە سەرانسەری جیهان تووشی ئەو ویرووسه بوون و لەو ژمارەیەش، ٣٦٥ هەزار و ٧٧٥ کەس لە وڵاتانی دیکەی جیهان جگە لە ئەمریکا، ئیتالیا و چین، تووشی ئەو ڤایرۆسە بوون.
به پێی ئه‌م ڕاپۆرته، هەروەک لە خشتەکەدا دەردەکەوێ، ژمارەی تووشبووان بەم ویرووسه لە ئەمریکا گەیشتووەتە ١٢٤ هەزار و ٦٧٦ کەس و لە ئیتالیا گەیشتووەتە ٩٢ هەزار و ٤٧٢ کەس، لە کاتێکدا كه لە چین ٨١ هەزار و ٤٣٩ کەسە. خشته‌كه هه‌روه‌ها نیشانی داوه كه ژمارەی قوربانییانی ئه‌م ویرووسه لە چین گەیشتووەتە سێ هەزار و ٣٠٠ کەس، لە ئەمریکا گەیشتووەتە دوو هەزار و ٢٢٧ کەس و لە ئیتالیاش گەیشتووەتە ١٠ هەزار و ٢٣ کەس.