به‌هۆی بۆردوومانه‌كانی سێ ڕۆژی ڕابردووی ئه‌رته‌شی توركیا بۆسه‌ر ڕۆژئاوای كوردستان، سه‌ربازێكی سووری گیانی له‌ده‌ستدا و سێ ئه‌ندامی ئاشووری هێزه‌كانی سووریای دیمۆكراتیش به‌سه‌ختی برینداربوون.
به‌پێی زانیارییه‌كان، ناوچه‌كانی “ته‌لته‌مه‌ر” و “زركان” له ڕۆژئاوای كوردستان له‌ماوه‌ی سێ ڕۆژی ڕابردوودا ٤٥٨ جار له‌لایه‌ن ئه‌رته‌شی توركیاوه بۆردوومان كراوه و به‌هۆیه‌وه ده‌یان ماڵی گوندنشینان وێران بووه و كه‌سێكی مه‌ده‌نی گیانی له‌ده‌ستداوه و ٩ كه‌سی دیكه‌ش، له‌وانه دوو منداڵ به‌سه‌ختی برینداربوون.